[宣傳易2] hk70s SMILE 矯視

http://hk70s.blogspot.hk/2017/08/smile.html

• hk70s
• SMILE 矯視 經歷分享

我做左幾錢？用東亞信用卡優惠（已完），只要＄２６１００雙眼。

已包覆診藥同埋眼藥水了，我揀左劉醫生做（其實無得揀，只係我有轉介人先得），見佢又上報紙又係好多場合講解呢個技術，應該係暫時最有經驗果個啦！如果各位想用番劉醫生，留個言比我，我轉介你吧！（應該轉介人有１０００超市現金劵，我們平分吧。）

===

笑左。諗起有個BLOG 叫 Poor Guy HK Blog . 以前成日會POST D 乜乜物物優惠，例如銀行開戶、信用卡申請、商場買野等等，後期玩ref code, 通常叫人用佢CODE 申請，話幾個月後D 回贈到手“自己”連絡佢拎返回贈俾PG 的部分回贈，估計到時又有D人會唔記得，然後食多份。

玩REF CODE 唔識玩的會好硬生生咁留曲。識寫的通常會寫一至幾篇經驗/過程/心路分享，甚至有D 玩耐左的識釣人癮，先出篇講低大約係乜野，又講D唔講D，再等人之後更加想追看。到最後先黎一次“不私藏”之舉，哈哈。例子有某星人係咁推的私銀/IB “唔公開講得，留EMAIL”分享；或者講mapletree reit，先自己8 毫幾入貨，再“唔講得”的寫D唔寫D，分N 篇寫，等件貨係BLOG 界發酵。呢種又算唔算細樓仔搵多D人入場黎搵BUFFER 的case?中間各人又有乜利害關係？而BLOG 界各寫手與寫手、寫手與讀者的關係網又係點（財自黨/出書黨/講座黨/分享黨/BLOG 友谷/大臺/細臺/俾錢入會臺等等）？

比較正氣（無利益沖突）的呢類BLOG 有邊D？

• 湯財- 可能係全香港唯一一個會睇曬所有上市公司公告再分享的人。佢寫公司/監管當局日常點玩小投資者實在大開眼界。
• 味皇- 咁多年睇住佢一轉二轉，覺得佢好有天份。寫得比很多自以為幽默的好。非常有自己的行文風格。
• 順叔（財經茄哩啡）- 本地財經演義最佳寫手？寫左很多大家唔知或者早已忘記的事兒。
• （早期的）止凡、吳瑞麟 aka美股隊長（名人堂）。前者出左書同過巴黎搞講座（有無收錢單飛搞就唔知），會唔會有後著就自己諗。後者係名人堂個BLOG 寫唔少外地名家的心得，而且有過濾過+本土化，比起雪球的翻譯文更可讀。後期無係足球黃度做就化身隊長講美股，殺出一片藍海。同樣地，佢之後寫的野有無利益沖突就自己諗。[並非暗示佢地有]
• 朱泙漫- 以前信卜的網友。寫很多歷史與政治經濟的文章，非常可讀。
• 池裡漁- 難得寫咁耐波馬都未賣料。文章大多可讀，而且相信有很多人讀過後實驗一下。今年孖膽中獎注數再創新高，哈哈。

掛一漏萬，唔寫住啦，仲有好多個想寫，呢部分應該可以獨立成篇。

BLOG 界越來越烏煙瘴氣，而BLOG 界基本上是放大左的現實社會，好多時唔係講你的說話岩定唔岩，有定無理據，而係講你有無朋友十卜。財自界呢塊肥肉，人多錢傻又代代有新人加入，究竟邊D 人係網上黑社會，邊D BLOGGER 又互相做打手為對方抬轎？呢個會係有趣的題目。

===

另，對於70 兄分享SMILE 介紹人去佢醫生我係態度中立的。以上只係一個引子去講以前的BLOGGER POOR GUY（而唔係老屈70會食埋個500 蚊），畢竟，這個BLOG 是關於過去與現在的網上見聞。

[宣傳易] 天路客分享飯局

http://asam15.blogspot.hk/2017/08/blog-post.html

• 債券投資路 
• 過去30年都在金錢世界打滾。年輕時雄心壯志創業到今日慢下來追求生命成長。投資路上由以往獨孤一味地產,去到股票、期權終於今天轉到債券來。 人生過了半佰，是時候從璀璨剌激轉到平實安穩了，心底裡也確實厭倦了終日守著報價屏，殺出殺入的日子。特別是經歷了2015年的A股過山車的蹂躪，損兵折將之餘，也無謂的虛耗了不少心力時間！ 生有涯，錢無涯，以有涯隨無涯，殆矣！所以決定轉向無甚驚喜的債券投資，收取穩定現金流，輕輕鬆鬆過日子。

===

筆者和眾多blog友神交已久，幾個月前又答應了和大家飯局吹水，卻因一直事忙，未能兌現，心中一直記掛著。承諾了就要做，故訂下分享飯局如下:

日期：2017年9月30日(星期六)

下午3時分享會：
1)個人投資心路歷程包括成功和失敗經驗
2)投資債券和reits的經驗知識
3)Interactive Brokers使用心得
4)Q&A時間。

下午六時到會食物及繼續自由分享。
(隨意參加飯局，惟此部份要先報名及繳費，方便預食物及免浪費)。
考慮到酒樓氛圍不適合作分享會，也省點錢。食物到會成本大家均分，較經濟實惠！(預算$200/人)

地點：私人辦公地方(隨後通知)

人數：30人。較早前已在這blog表示參與飯局者優先，分享會及飯局都參加優先。

治癌的另類療法？不了。

最近有位朋友的老婆在治癌的過程中死去，本來亦沒需要寫出來，但係畢竟佢的死可能因為唔正確的想法及選擇而提早，而且事件起因而是在網絡上發生的關係，最後修改一下就決定發佈。

重要的事情除左講三次之外，也可以一開頭就清楚講出來，免生誤會：呢篇講的唔係另一位老婆岩岩因癌病去逝的網友，想抽水呀/講是非呀/看圖/看文字作文的/想幫拖想擦好感度的唔該慳翻啖氣。

拿，件事簡單講就係有個人的老婆有左癌病，咁原本個老公都好好地用「正統」西方醫學院的方法去醫。但正係事情無立即好轉的時候，個老公真係連黃大仙都去問埋。（1）然後，有一日佢見到(網上?)朋友叫佢老婆去試下香港某處的一D 另類療法，兼又有唔少人附和話不如一試。其實另類療法都有唔少，佢去見的係屬於一種自然療法。詳細係點樣療就唔詳細講了。我跳住黎講啦-

講結果：佢老婆死左。佢地屋企人告緊個個「賣」另類療法療程的醫生。叫做報左警，搵左專業人士搞緊。但大家估計告得入機會不大，甚至連停牌停業都唔洗。

重點有幾個，希望有緣睇到呢篇文的人可以自己諗諗，唔好見到其他人講點得點得就信（咁似講緊其他範疇的野？）：

• 有人用西方醫學院正統方法醫好，亦有人醫唔好。有人完全唔食藥亦有案例好返，當然亦有人死。更甚者，如果有人肯去試，我相信大量只飲符水的患者當中，也有一些會好返，當然也有一部份會死去。
• 大部份（如非絕大部份）的另類療法的效果也沒有經過科學方法檢測，而證明有顯注效果。甚至乎有些方法連做過檢測的文獻也沒有。如果硬係要問底線係邊？咁雙盲可以係其一。
• 有部份另類療法會要求試用者停用其他藥物。如果有呢個情況，咁就要諗真D。(2) 而今次的主角亦正好停左藥去試呢種治癌的另類療法
• 呢個係乜野玩法？假想有人宣稱有種新人類大法，每天空肚食早餐，只要每天天明前去野外地方吸收天地靈氣作早餐用，自然會有不藥而癒，但講到明同時食其他藥會無效果，兼要你簽下自願書講明自己只同一時間用上新人類大法作治療。咁假設有100 個人黎試呢種新人類，同後有廿個人好返，大師就可以對外講有唔少例子係只同一時間用佢的新人類大法就已經醫好癌病。哇，咁教人呢種大法仲唔發過做BLOGGER Youtuber？
• 如果你或者身邊的人因為見到有遵從西方醫學而醫唔好的例子，又應否直接去幫襯另類療法甚或至各種東南亞/非洲巫醫呢？

另外，我花幾個鐘頭寫呢篇文為乜？我不禁諗：呢篇文對其他人的益處/效果係咪會好過D 半分鐘打一兩行字的網上留言？網上的野究竟有幾多真幾多流？

歡迎各位有治癌或其他病的另類療法經驗的朋友留言。

/呢篇寫得唔好，中間有段寫得不通順，但沒心情修改，請自行同情地理解吧/

（1）：真人真事，照講。非抽水。主要係想形容佢當時的絕望同六神無主，因為佢老婆係天主教徒，佢中學時亦係讀教會學校。

（2）：有一位親人因而突然中風。我認為賣藥水9人都算，叫人停左食醫生開要長期服用的藥真係CLS。

我最期待的畫面出現了[10AUG17更新]

等睇各位BLOGGER 點講RBS 優先股贖回~~~

事緣盤前RBS 出左group announcement. （搵埋俾你要睇邊頁：P105/135）RBS 股價升而開市不久兩隻優先股NW PRC 同RBS PRF 就不斷跌。

睇完咁姐係呢兩隻優先股有無份？IB TWS double click 就無好似其他證券咁出現ISIN。相關資料可以係RBS 官網呢度查到：
http://www.investors.rbs.com/fixed-income-investors/unsecured-securities-documentation/innovative-tier-1.aspx
[NW PRC] 12,000,000 Non-cumulative Dollar Preference Shares, Series C 08/04/1997 US6385398820
[RBS PRF] US$200,000,000 Non-cumulative Dollar Preference Shares, Series F 06/03/1997 US7800978048

突然大跌而普通股又無反應，而同時其他優先股又無特別，真係比較大可能係要贖回。
無論如何，今次係好好的事件令各位死跟BLOGGER 買野的人好好檢視自己的組合風險。之後，就是期待BLOGGER 們會點講了~~

• Redemption of （ＲＢＳ－ＰＲＦ） US7800978048
• 哇，BLOG 界真係是非之地。哈哈~

• SPDR 的ETF報告