2017年2月5日 星期日

2017 二月好BLOG 推介

猴年笑料:
咁姑且當我度係炒強賣粉麵飯之類的中式檔口仔吧。

  • 好記得年頭有個男人黎話要食“咖哩雲吞飯”,好啦,我交貨的時間都笑到GAPGAP 聲想知佢食落係點,點知佢又食得好滋味喎。於是有次有機會我自己都整個咖哩雲吞飯黎試下,其實都OKAY,唔太古怪,甚至有時D 客黎唔知想食乜,我有時都會打趣的話試下咖哩雲吞飯啦!當然,係無人願意試的。
  • 年中有個靚女疑似ABC 同佢幾個朋友黎,咁呀ABC靚女就問:你依度有無卡不千奴架?下,靚女,你望下周圍真係覺得呢度似會有卡不千奴飲?!呀靚女就好識做咁話:咁呢度可能D 人臥虎藏龍,真係識呢!於是乎,我介紹左佢個附近一檔正野咖啡店。
  • 有個中年女人黎到,係度問豬紅同豬腸係咪當兩份食送;咁個日咁岩有其他檔的師父經過開,就細細聲同我講:刁,乜L 野豬紅同豬腸係咪當兩份食送呀,兩樣都係豬就當係一樣呀!?我笑笑口無回應,因為再古怪的問題都聽過。。。
  • 雞年決定左新十五先再開檔,D 客仔會嘩一聲然後問個鋪係咪自己的。
  • 以上幾個小故事講左乜?點解要寫出黎?請體諒我唔一一解釋啦。
  • 點解我個BLOG 寫得咁疏?我有野想寫咪寫囉,寫BLOG 寫幾多篇,有無人睇,好閒姐,唔好阻住我HAPPY 先得架!
  • 經過呢度咁有緣的朋友,對你黎講幸福感係點先至有呢?每個人都可以有唔同的答案;我就比較簡單,比如有時平日三點鐘,當其他人都係度辦公室工作緊時,我可以係外邊望住藍色的天空,有時慢慢行去海邊9 hea,就已經有呢種幸福的感覺。祝各位都找到呢種感覺,日日都HAPPY!


===
2017 二月好BLOG 推介:
朱泙漫屠龍記
歷史經濟政治類。作者以前係信博的日子已經睇開,某個時期,幾位信博的樓主開的POST 好睇過信報多多聲,佢寫的係其一。
呢個BLOG 雖然我無由頭睇到尾同堆食曬D 留言,但因為作者的文章跟進已久,固破例推介。

沒有留言:

張貼留言