早錯早享受系列1：2016 2H的投資錯誤

點解近年財類BLOG 咁_悶，個個寫埋的野咁似，有時連論點都咁相似？要寫，就諗下BLOG 界中有乜野係無/少人寫過吧！
有樣野一定無人寫得出而只有我寫到，係乜？就係我今年的買賣錯誤。 XDD

下半年的幾個錯誤：

1. 買入交投不多的標的物如：CAPE
2. 無堅持USD/JPY 長遠[2024年前]會到140 的想法，在9月UJ 小升時將其PROXY 平倉。呢條TRADE 花左我好多時間去諗點做：最“直接”的方法是去投行做一條2024 年到期 LC UJ 行使價140，但係我係細戶，要搭人做麻煩到人。另外可行的標的物有（A）CME 的JPY（留意呢個quote base currency 相反）
   （B）FXY：CurrencyShares ETF
   （-）主要問題係比較過後發現LEAPS 都唔夠長同埋[好很]貴，變相倒不如直接用期貨/CFD LONG，然後用生命力硬接
   （C）用UJ 相關性高的標的物，如日股/日系出口股。後者有介心，日本公司會爆炸是常識吧：我說服不了自己可以看穿一間大型做出口的日本公司係十年內一定無爆出大獲的公司管治問題。（提示：Olympus）
   （D）之後諗用日股ETF 做，其中DXJ 本身有LONG UJ，會食中日本公司業務改善同日圓下跌兩個因素[或者公司己經廢到唔會改善到，只係靠後者將外地盈利兌返做較多的日圓，變相提高以日圓計的EPS]
   （E）最後LONG 左DXJ 背後的ETF 發行商：WETF。佢主要靠兩隻歐/日ETF，多資金炒歐/日股就自然多營運費多。係ETF.com 可以查到呢兩隻係各自的地區都係數一數二多資金選擇的ETF。
3. 係某個星期二SC 星期五到期的GLD 128。臨尾差幾仙接左貨，之後一直[係一直！]無上返128 以上 =.= 現價111/2。每月SC 收返少少，再REBALANCE 時SP ITM GDX 收少少金礦股ETF。反正我係唔信美元升黃金跌呢個CORRELATION。
4. 黃賭毒邪惡組合部分成員：世界越亂越壞越受惠。
   （A）HACK: 網絡安全概念
   （B）“網上賭場”：IGGI，PLUS [附：本文寫於星期二早上，下午即傳出英國收緊對呢類CFD 賭場的消息，以上兩隻跌40%+]
5. 新股：LN （LINE 的ADR）
6. 無SET STOP LOSS 而業續後大跌的美股數隻
7. 某個星期五夜晚收到保險FD 風話將會無得簽銀聯
   （A）即時係美股Short 保誠/AIA ADR，前者中港業務比較少，其實是不太好的標的物
   （B）LP AIA ADR，可惜無乜盤之下心急照做，SPREAD 太大。而且星期一想平倉時有些行使價甚至無BID SIDE 盤。。。無奈下期權倉只能少賺，本應ADR 短倉目標是有基本盈利，權倉是打JACKPOT 用。。。
8. Mapletree, Lippo Malls 賺息輸價中[借SGD 防FOREX RISK，反正都要借，就借比USD 平息的SGD，順便可以減低FOREX RISK]
9. 美國大選日想SET 左SPY 跌低過某價便沽SPY 對沖，非常可惜的手快快無睇清楚SET 左SPY 高於某價便沽SPY，結果一開市就開倉SHORT 左SPY。十萬個驚訝下無即時反應平倉修正，令大賺的美股動力組合賺小了。
10. 9月加息前SHORT ES 對沖，第一次用ES 唔知開市前結，做成ROLLOVER 時有空窗期要追沽
11. 英國脫歐日以天價LP EUR 1.05，大獲野時D 價好差，買貴就一定，變相難賺左 

然後是幾個TRADE 便SETOFF 曬上面的錯誤：

1. 15% yield的私獄股
2. 9月建立的美股動力組合
3. 65文的股王NVIDIA
4. UST10Y=1.65% 時Short 長債ETF

多謝閣下花時間收看~~~

[突發] Mapletree GGC 股息失縱問題

===2/12 1113updated:
confirmed 28日的statement 股息一項下收到RW0U每股2.606c SGD 的“股息”（技術上佢以退還資本的方式處理，大家可以不理）

===30/11 0957updated:
IB 打黎話29 日入賬了。應該無問題。但現在只能查到28 日的statement, 再update.



===原POST：
據官網所示，十一月廿五日應收到每股1.004c SGD 及2.606c SGD 兩筆“股息”。然而，IB 只把1.004c SGD 入到大家的戶口。

本人與IB 聯絡並提供上述官網的證明後，IB 已經查出內部錯漏之處，並承諾會於日內修正。大家請放心，未儲入之“股息”將會保回。

懶人包Summary:

1. 大家可以省回時間，不用致電IB 及花時間等候有關人員接聽電話。
2. 未出現的每股2.606c SGD 股息將會出現。
3. 還是未放心的可致電IB：2156 7907
4. 見過左成日個幾個大戶都無做野先打去問：（

在巿場提款，CUP SIR 的離開會係最後一個？

先黎睇下呢兩張圖，估下係邊個寫？唔知仲有無人記得呢位BLOGGER 呢？

財技模式, pp42, 2012

佢就係死牛戒毒所/在巿場提款 的Cup Sir. 可惜個BLOG 就已經封左，而Cup Sir 應該忙於湊仔女：）

那些年（2009-2012）佢個BLOG 應該算人氣頂盛個批，部份原因係佢肯大大方方俾實時貼士人跟；而2011 年好多人出事時佢個年都有1-2%回報，可惜太多人跟買賺錢就好地地，輸錢就掃BLOG。之後佢個仔出世後就漸漸淡出。

今日，為左開始寫呢篇，仲專登去落倉搵返佢本書出黎。隨便番看，也感足良多，以後再慢慢寫吧。或者會出一個BLOGGER 書介系列，或者貼堂貼出某D BLOGGER 的書中一兩頁，俾大家玩下找錯處遊戲，說實在，我至今還未睇過一本BLOGGER 書可以有咁多錯漏，編輯/ 作者真係好令讀者失望。

講返CUP SIR，佢用W. O'Neil 的distribution day ，價量互動，價先於訊等的概念係港股，絕對係為當時的number blog 帶來另一番氣像。

Timing is everything.

簡單的計算回報只要有三件野：買入價、賣出價和其中的現金流出（供股）流入（股息收入、實物股份分發等）

要係巿場上提款，一個簡單的定義就是了結倉位時得到正數的回報，僅此而已。

[待續]

唔係收租仔無 ML？記一個替代戶口

近日忙於讀閒書，格左幾日無寫文，今日讀到 Life of R 的 〈妙用Margin／ML 減低利息支出〉，文中提到在IB 用margin ACCT 借錢，同時把錢放到Mortgage Link （ML）戶口中套利，又學到野。但係，唔係個個都係收租仔有層樓要供，又或者以前真係無開埋ML 呢？

原來開個投資/投機公司戶口都可以！呢間公司為戶口中的現金提供5% p.a. 利息，每月月頭按上個月的每日平均結餘 X 5% X 上月日數/ 365 黎派息。呢個高息戶口我就用左幾年，上限可以放40 萬黎收息，中意係個度做投資/投機/賭又得，唔做齋放錢係度收住5% 息亦得，得左！（見附圖）

咪掛左計期望值至得，咁中間有乜風險？佢寫到明：

「XXXX有限公司是一間提供場外黃金/白銀保證金交易的經紀商，並非《銀行業條例》(第155章)所定義的接受存款公司，及不受香港金融管理局監管。」

姐係投資戶口的錢唔包係存款保證計劃入邊。
不過，係銀行的錢係獨立存放：

「所有客戶資金均存放在XXXX有限公司於銀行開立的個別客戶賬戶之內，該賬戶獨立於XXXX有限公司的公司賬戶。」

但大家應該明白，出事時往往就係D 大家都好啖定的地方中招。所以岩唔岩大家用就要自行因應自身情況黎衡量！自己功課自己做，我的黃金對其他人可能只係屎，調轉亦可，哈哈~

而佢母公司呢？同IB 一樣都係係美國上市。我曾經都有諗過佢出事點算，係咪要沽空佢間公司的股票對沖下。但係呢間上市公司又無出OPTION，無得LP 佢，咁唯有算數，一動不如一靜，靜靜雞月月收息算。

如是者，用R's 方案三的例子，回報率可以由原本ML 戶口得10.3% 進一步提升至11.8% 。當然，實際操作上如要放入100 萬便需要出動全家三個人開戶口。

但係呢個時候就可以再玩埋“親朋好友推廣計劃”，自己開左戶口之後，再安排兩個人頭戶口開戶同做夠TRADE，咁就可以再食多2 個人頭 X 1600 HKD/HEAD X 2 (你同"朋友"各一份）= 6400 HKD，回報率到一步提高。（附圖2）

下篇唔寫呢D 咁正經的搵錢野，寫返8 掛野先~~~
多謝你花時間睇完。


附圖：

附圖2：

向70兄致敬之作：財類卜架可以點搵食？（燒春袋系列之一）

因為係70兄開左頭無畏無懼咁寫邊個真邊個假，真係值得向佢致敬。又時值奧運，當年有BLOG 界傳火棒，大家跟TOPIC 寫再TAG 人，呢篇就當係接佢「BLOGGER 的真假與搵食」而寫的吧。
===
拿，阻人搵食要落地獄燒春袋架！但係既然要寫一直走來在網路上的所見所聞，呢個系列就真係走唔甩。

呢個BLOGGER 係好多年前就係YAHOO 知識答問題上位，之前幾年前開左個財類BLOG。通常大大篇又長又臭的寫個股文章，仲會連續幾年每年寫過百篇。但係近兩年個BLOG 已經少左好多文，點解，聽聞係轉營去開臺係CHAT GROUP 「交流」WO。

呢D 股票臺通常就咁玩：臺主開BLOG 造起個場後，會聯同D 親兵跟班一齊搞好氣氛。個呀頭係臺度推股票，之後有升個D 就不斷提完又提，造勢造到非常有料咁。幾隻成功案例後，入左GROUP 的人又不斷介紹更多的人入黎。有時就搞下BBQ、做運動、食飯等等的同FANS 交流活動。搞到有幾百人跟呀頭行事，可以一呼百應的時候會點呢？

有個朋友的屋企就係鄉下D 三線城市開左間士多，諗住做下D 正當的小生意。開張都唔夠三日，就有人搵上門，同佢講：拿！正價的青島啤來貨就四文支，我呢度有D 貨就只要一文支，你都拎D 貨黎賣啦~ 哦，原來係大陸跟本唔駛知要去邊度先搵到假貨黎賣，D 造假貨的廠自然會搵行街出去搵客黎SELL。個GAME 就係咁玩。

返黎香港，咁呢類有幾百FANS（後面無入臺而跟住買的加埋可能過千），一呼百應隨時加加埋埋可以入幾千萬貨的臺主又可以點搵錢呢？如果有睇開湯財講港股千五隻入邊，至少有一半約柒百隻係無投資價值。咁呢柒百隻要炒起後搵人接貨，做成財富轉移，可以點做？

咁當然，真推假推有時混合起來，一時三刻又點知道呢D 臺主係真有料同想同人交流定係為搵水魚而開臺開BLOG 呢？呢個有機會再講吧。

另外的玩法有開公司搵人一齊投資、開收費班、收費臺、收乜乜中介費、做顧問、搞APPS 收廣告費等，順便又再提升人氣引多D人落黎。

咁近年可以點玩？請留意燒春袋系列之二，下回分解。

===
至於呢位係邊個？我只能夠講，佢曾經係一位BLOGGER 度留言希望互LINK 加人氣，但係俾個位BLOGGER 立過下後以兩BLOG 唔太同路而回絕。

留名等睇70兄估度。：）

[未寫第二回，應該好難估啦！]

積微錄與讀研二三事 [初稿]

第一篇，實在不想一開始寫就非要得罪人不可。很自然的選了池裡漁--池兄的BLOG 積微錄作介紹。池兄給我的感覺像位前輩大俠，天天遇上伸手黨也恰當的以禮相待，遇有後學不明所以之處，也樂意指點。

緣起（不可思議）：
為甚麼我會想到介紹他的BLOG 呢？說來卻是有些巧合。大概是讀法國大師掌門人的合夥人一書時，讀到一註提及William Poundstone 的一本舊作Fortune's Formula。再一找谷歌大師問路時便找到池兄的BLOG。
然而，在讀〈窮查理的普通常識〉前，我便機緣地在多年讀過〈FF〉這本奇書。那時在外地做Intern ，平日晚上常悶得發慌，便趁一次到市中心的書店時買書當解悶用。不知何故的選了這本書，讀時說是驚為天人也不為過，至少之後多年來也沒有太多書帶給我同樣的閱讀體驗。書中的讀後感就先按下不表，留待日後再慢慢寫。
還記得那年暑假Intern 歸港時和人看電影〈21〉，這電影剛好與書中甚是有趣一段有關。（FF，第二部）更重要的是這些燃點起我對種種博戲的研究。在大學讀書的幾年間，我當然有努力的玩物養志，幾乎沒有怎麼讀課程的書本和論文，反而花時間去研究Blackjack 和占星學起來，現在有時想起也覺荒唐。
那時從HKALL 借來全港八大的專書來讀，也忘了怎樣找到了經典的Thorp's Beat the Dealer，只記得我保存的是黑白印刷版。。，讀Kelly，也有讀戴子郎、馬凱文的。驚覺世界可以從另一個比較少人知的角度來看。
後來學到一點皮毛，「再用自己方法」！算是賺回點學費，也大概知道了有些人所說做到的回報，當中有多少來自EDGE 在長期的回饋，又有多少是來自剛好十鋪內開柒鋪字而已。
同時，從現實世界中的對奕中，也明白學術世界的另一面。也知道自己不可能適合在學術世界中生存。

寫到這裏，就要說個小小的故事，以補充下池兄寫的教授案，也算是和積微錄第二個交集。原本他在做的事外邊的人甚少知道、也沒想到用某方法「借」來優勢，如沒有這案這事兒聽過便算也不會寫出來。方法姑且不宜大談，也就談一件數十萬的小事。卻原來教授也要找幫手落盤做Trader，於是有同學就負責三/六/日開工。同學有次入飛跑完後對數，才發覺少了六位數，為甚麼呢？！一邊驚一邊查，才發現是自己手忙腳亂的一時大意打錯飛。坦白告訢教授後，竟像IBM 總經理般叫他下次小心便是，沒有加以打罵。這是我非常配服教授的地方。有份建設模型的參與者問另外一位建設者索回模型，真是聞所未聞之事。

積微錄是難能可貴的BLOG 界清泉，沒有大戰、沒有八卦，卻是喜歡讀想法特別的文章的好地方，因為你大概不會在另一處讀到相近的文章。在（財類）BLOGGER 間互想抄考、互想抬舉的今天，要介紹值得花時間由頭開始讀的BLOG 著實不多，積微錄卻是值得讀之再三，慢慢細味品嘗。
愚見認為，這BLOG 倒是適合深夜時先來杯威士忌，再邊抽大衛杜夫邊細讀池兄的文字。

[初寫於10-8-2016，未重讀修改，遇有別字錯字、不順句字、意義不明的段落，請見諒]

呢個BLOG 會寫乜？

由1998 年開始上網以來，經歷過唔少人和事；連網上世界都過左幾代的改變。NEWSGROUP 無人再用，寫日記的網站如HKFLASH，SHOWHAPPY，XANGA 都唔知去左邊；BLOG 興起再衰落，YAHOO BLOG 收皮，大多BLOGGER 四散；然後係FB 興起，寫手大多寫埋D 無乜養份的呃LIKE 文。

呢個BLOG 有兩個任務，其一會寫下過去同現在一些本地BLOGGER 的BLOG，當係介紹又好，緬懷又好。其二是寫D 我有興趣的野。其三係營救任盈盈。
暫時草擬左會寫的有十多位，都係一句：如有得罪，閣下自理，都無乜得點算，唔通起我底唱衰我咩。但開頭應該會寫下D 比較難得罪的幾位！

Hello, world!

營救任盈盈，XXXXX。
試猜「XXXXX」 五字為？